Пред точно една година, на светот дојде Арчи Харисон Монтбатен-Виндзор, син на принцот Хари (35) и поранешна американска актерка Меган Маркл (37).
https://www.instagram.com/p/B_2A6IwBeM-/
„Тоа беше најневеројатното искуство што некогаш можев да го замислам. Како жените го прават тоа што го прават е невозможно да се разбере. И двајцата сме апсолутно воодушевени и благодарни на сите за нивната поддршка. Беше неверојатно и сакавме тоа да го споделиме со вас“, рече Хари неколку дена по породувањето.
Меган сними видео во кое на нејзиниот син за роденден му ја чита приказната „Патка! Зајаче!“, а кое го објави инстаграм-профилот „Зачувај ги децата Велика Британија“. Малиот Арчи се смее додека неговата мајка Меган му чита и му ја бакнува главата.
Првото дете на двојката е седмо во редот за кралскиот престол, по принцот Хари и неговите братучеди – принцот Џорџ, принцезата Шарлота и принцот Луис, дедото принцот Чарлс и чичкото принцот Вилијам.
Иако, според кралските правила, пред повеќе од 100 години, Арчи автоматски добива статусна титула, како и сите внуци, родителите на малото момче не сакаат нивното дете да носи титула. Тие сакаат да му обезбедат нормален живот, а кога ќе порасне тој ќе одлучи што сака.
