Македонскиот ракометен репрезентативец, Филип Талески кој во моментов е слободен играч и има можност да избира каде ќе ја продложи својата кариера се наоѓа крстопат. Ќе мери дали ќе побара нова средина во Германија или можеби ќе се врати назад во Македонија.
Тренерот на сеуште актуелниот макеоднски, регионален и европски првак Вардар, Стевче Алушовски потврди дека младиот интеранционалец Талески може да биде дел од неговиот состав ако тоа го посака.
-Талески не доби вистинска шанса во Рајн Некар, Кузмановски исто така во Магдебург, ова беше преголем залак за нив. Требаше да одберат, помали клубови каде што ќе беа носители на играта. Според мене, прерано ја напуштија Македонија. Јас сакам да го вратиме Талески во Македонија, јавно кажувам, тој има понуда да биде дел од Вардар од јуни. Но тоа е негова одлука и каква и да биде треба да се почитува – вели Алушовски во изјава за „Балкан Хендбол“.
Вардар ќе има ново раковдство откако газдата Сергеј самсоненко треба на почетокот од јуни со чисти сметки да му го врати клубот на Михајло Михајловски.
