Соопштение до јавноста- реакција на соопштението на СДСМ
Зоран Заев се прослави на Балканот по својата свиткана кичма која стана посакуван елемент од владеењето на СДСМ од страна на нашите соседи.
И покрај промената на името, Република Македонија повторно се соочува со блокада овој пат за членството во Европската Унија од страна на Бугарија, а од нас е бара да се откажеме од својата историја и јазик.
Она што е најстрашно е тоа што со Зоран Заев не се надминуваат пречките, туку летвичката постојано се поткрева и се зголемува листата со нови барања и услови.
Изјавата на претседателот на европските социјалисти Сергеј Станишев дека „најдобро за Бугарија е СДСМ и Заев да се на власт“ и дека Бугарија е национално заинтересирана за победа на Зоран Заев и социјалдемократите на претстојните избори е најдобар пример за чии интереси работи Заев и СДСМ под негово раководство.
Дополнително молкот на Зоран Заев за документот кој се криеше од македонската јавност, скандалозен документ во кој се бара да се откажеме од јазикот, историјата и најславните македонски историски личности доколку сакаме да станеме дел од Европската Унија е показател дека Зоран Заев е спремен на секакви отстапки само да остане на власт и да не заврши во затвор.
Во однос на изборите, ВМРО-ДПМНЕ е спремно да го порази СДСМ во било кое време, но здравјето на граѓаните е над се. Борбата за човекови животи е поважна од борбата за власт. Граѓаните ќе го поразат Заев и СДСМ затоа што она што е најдобро за Станишев и Бугарија не е за Македонија.
