Прес-конференција, Богданка Кузеска, портпаролка на СДСМ
Како главен предизвик за време на кризата предизвикана од коронавирусот, покрај зачувување на здравјето на граѓаните, за Владата предводена од СДСМ е и реална поддршка за граѓаните и фирмите кои се економски погодени од кризата.
Преземаме навремени и ефикасни мерки за брзо справување со негативните економски последици.
Првата бескаматна линија кредити за поддршка на микро, малите и средни претпријатија од најпогодените сектори – угостителство, туризам, транспорт и други е целосно реализирана.
Со првата кредитна линија позната како “Ковид1” поддржани се 738 микро, мали и средни компании со 6.524 вработени.
Вкупниот износ на доделени бескаматни кредити преку линија “Ковид 1” изнесува 5,54 милиони евра, а просечен износ на даден кредит е 7.500 евра.
Од вкупно одобрените барања, оваа кредитна линија во износ од 3 милиони евра, ја искористиле 373 претпријатија од дејноста на угостителство, 320 претпријатија од дејноста на транспортот во износ од 2,3 милиони евра и 43 претпријатија чијашто дејност е туризмот добиле бескаматен кредит во износ од 252 илјади евра.
Владата предводена од СДСМ дополнително предложи уште 107 кредитни апликации со вкупно 936 вработени, во износ од 776 илјади евра.
Ова не се само обични податоци. Ова е конкретна помош за спас на илјадници работни места, конкретна помош за нашето домашно стопанство.
Дополнително, на фирмите од сите сектори им стои на располагање и втората линија бескаматни кредити преку Развојната банка во износ од 8 милиони евра.
Почитувани,
