Водостоите на речиси сите реки во земјава се пониски од просекот за мај. Исклучок се Вардар на мерното место кај Јегуновце и Бабуна кај Богомила каде нивото е повисоко од просечното, покажуваат последните мерења направени од Управата за хидрометеоролошки работи (УХМР).
Нивото на Вардар кај Јегуновце е зголемено за 24 сантиметри во споредба со вчерашното, а благо зголемување има и на мерните места кај Скопје и Демир Капија.
Повисок од просечниот е и водостојот на Дојранското и Охридското Езеро и тоа за 2,93 метри кај Дојранското и за еден сантиметар кај Охридското Езеро. Нивото, пак, на Преспанското Езеро е за 96 сантиметри пониско од повеќегодишниот просек за мај.
