естирањето на над 10 милиони луѓе кои треба да се тестираат во Вухан за коронавирусот. Тестирањето се очекува да трае десетина дена. На ваков потег се одлучија здравствените власти откако минатиот викенд се појави првиот кластер на новозаразени во централниот дел од Вухан, откако на 8 април беше укинат карантинот.
Странските медиуми пренесуваат дека со оглед на тоа што се чекаат долги редици, иако се на отворен простор, дел од луѓето стравуваат да не бидат заразени поради контактот со останатите.
Појавата на нови случаи во Вухан, оние кои претходно немале симптоми на оваа болест, ги поттикнале властите во Вухан да почнат низ целата земја потрага по асимптоматски носители на вирусот, со цел да го измерат нивото на ризик од Ковид-19.
Иако кината и банкет-салите на Вухан остануваат затворени за да се спречат големи собири, сепак со овие тестирања луѓето чекаат на долги, понекогаш неуредни редици.
