Полска ја одбележува 100-годишнината од раѓањето на Карол Војтила, папата Јован Павле Втори и светец на Католичката црква, човек кој стана една од највлијателните личности од втората половина на 20 век.
Низ целата земја се одржуваат миси благодарници за животот и понтификатот на Јован Павле Втори, а централната миса се одржува во Краков, градот каде што Војтила работел како епископ и надбискупот скоро две децении.
Во одбележувањето на 100-годишнината од раѓањето на влијателниот полски папа ќе учествува и папата Франциско, кој по повод тој настан ќе се обрати на телевизија.
