На денешен ден, пред осумнаесет години (2002 година) женскиот ракометен клуб Кометал Ѓорче Петров ја донесе првата европска титула во Македонија победувајќи го во финалниот двомеч унгарскиот Херц (26-22). Првиот меч во Унгарија македонскиот првак Кометал го загуби со два гола разлика (25-27).
Во „Кале“, генерацијата на Нацева, Кастратовиќ, Дину, Чупиќ, Будумир, Кисељева, Платон, Велкова, Бујанова, Калиниченко, Андрушенко, Малахова, Пласницкаја, Златановска …, предводени од Александар Панов а помогнат и финансиран од македонскиот бизнисмен Трифун Костовски приредија мигови за задоволство и испишување на македонскат спортска историја.
Неколку години подоцна европскиот шампион Кометал Ѓорче Петров згасна, но европскиот успех остана да не потсетува на незаборавните мигови.
