Членот на раководството на германскиот фудбалски бундеслигаш Баерн Минхен, Оливер Кан е задоволен што голманот Мануел Ноер го обнови својот договор со клубот. Новиот договор важи до 2023 година.
– Јас имам многу добра слика за состојбата во која се наоѓа Мануел. Разбравме во која насока тој размислува во тековната фаза од неговата кариера и што е важно за него. Со обновување на договорот, тој испрати силен сигнал, изјави Кан.
Ноер игра за Баерн од 2011 година. Оваа сезона, голманот има 38 настапи на сите турнири во кои прими 38 гола.
