Во Индија се потврдени околу 6.000 нови случаи, што е најголемоо дневно зголемување во земјата до денес, додека владата ги олеснува мерки и авиокомпаниите се подготвуваат повторно да воспостават дел од авионските линии во земјата.
Во земја со 1,3 милијарди луѓе, коронавирусот досега е потврден кај повеќе од 118.000 луѓе, додека 3.583 лица починале. Бројот на заразени лица се зголеми за 5 проценти во однос на претходниот ден.
Премиерот Нарендра Моди го продолжи карантинот до 31 мај.
Сепак, мерките се релаксирани во области со помал број на заразени лица, а на сојузните држави им беше дозволено да издаваат свои упатства за одредени аспекти на пандемијата.
Индиските авиокомпании ќе можат да воспостават околу една третина од нивните летови, но само во земјата и според некои најстроги правила во светот.
„Големо зголемување на бројот на заразени лица се случи откако делумно беше дозволено движење во земјата. Сепак, во целина, ова е многу послаб експоненцијален раст отколку во остатокот од светот“, рече професорот за епидемиологија Џиридар Бабу од Индиската фондација за јавно здравје.
Индија има ниска стапка на морталитет од Ковид-19, веројатно поради возрасната структура на населението.
Дури 93,5 проценти од Индијците се на возраст под 65 години, а од коронавирус умираат главно постари.
