Околу 100 талибански затвореници се ослободени од воен затвор во Авганистан, како дел од одговорот на Владата на изненадувачкиот прекин на огнот, предложен од милитантите по повод празникот Фитр Бајрам.
– Авганистанската Влада денеска ослободи 100 талибански затвореници од затворот Баграм, рече портпаролот на Советот за национална безбедност Џавид Фајсал.
Владата планира да ослободи до 2.000 талибанци затвореници како „гест на добра волја” и одговор на вчерашниот предлог за прекин на огнот, што ги охрабри напорите за започнување мировни преговори.
