Сагата околу видеото снимено на 24 јули 2017 година на Ибица продолжува. Поради тоа видео падна австриската влада. Снимката од 12 часа и 32 минути ги покажува Хајнц-Кристијан Страхе и Јохан Гуденус, двајцата од десно-популистичката Партија на слободата на Австрија.
🛑#Strache hat nen Informant für die Drogengeschichten von #Kurz? Wir kaufen mal Popcorn für den Wahlkampf! Wenn #KanzlerKurz Anstand hat, tritt er ebenfalls zurück, weil er diesem korrupten Typen ins Amt verhalf – oder müssen wir nachhelfen? #Rücktritt #Strachegate #Neuwahlen pic.twitter.com/Oq8BQ6ujDl
— kurzschluss (@kurzschluss14) May 18, 2019
Тие запознале девојка која се претставила како внука на руски олигарх. Средбата започнала со аперитиви на терасата и продолжила со вечера, шампањ, туна и суши. Подоцна друштвото се преселило во дневната соба, каде продолжија да пијат. Девојката кажала дека се подготвени да инвестираат руски пари во Австрија. Штрахе почнал да и објаснува како се финансира нивната партија. Тој рекол дека има богати луѓе кои и даваат на партијата до два милиони евра, но дека тие не ги плаќаат парите на сметката на партијата, туку на здружението со цел да ја избегнат контролата на државната ревизија. Во видеото се споменува и австрискиот премиер Себастијан Курц, за кој се вели дека имаат информации за неговите сексуални оргии.
Според најновите информации, полицијата сослушала 259 лица поради овој случај, следела 15 лица и извршила претрес во домовите на 55 лица. Во меѓувреме, тие ја добиле целата снимка и утврдиле кој е детективот Х., кој е „мозокот“ на целиот случај Ибица. Тие, исто така, ја идентификувале жената што се претставувала како внука на олигарх. Тие утврдиле дека жената што се претставила како Алиона Макаров е всушност изнајмена актерка која најверојатно потекнува од Унгарија. Таа, наводно, живее во Рига и има помалку од 30 години. Тие издадоа потерница за неа. Истражителите исто така забележале дека убавата девојка има тетоважа на десната рака и тие се надеваат дека таа ќе ја одаде, пишува ОЕ24.
