Демонстрантите упаднаа во полициската станица во Минеаполис, запалија пожари и уништија сè што е на нивниот пат во текот на третата ноќ на насилни протести поради смртта на црнецот, барајќи одговорните полицајци да бидат казнети. Во градот е прогласена вонредна состојба, пренесува „Би-би-си“.
Третиот штаб на полицискиот оддел во Минеаполис беше уништен доцна во четвртокот навечер, а толпа демонстранти е видена како влегуваат во зградата, кршејќи прозорци, додека некои се обиделе да ја запалат.
The fire at the MPD’s 3rd Precinct was only at one corner 5 minutes ago. It’s now spread across the entire building. With no firefighters on scene… that building will likely be destroyed tonight. pic.twitter.com/t6p3Yv1KYV
— Seth Kaplan (@Seth_Kaplan) May 29, 2020
Иако присуството на полицијата во тоа подрачје било големо во текот на денот, се чини дека полицајците потоа се повлекле, не спротивставувајќи се на упадот во полициската станица.
Медиумите јавуваат дека се слушнале противпожарни аларми и дека се вклучени прскалки за гасење на пожарот, додека толпа демонстранти се наоѓа пред зградата.
Полицијата соопшти дека зградата е евакуирана поради безбедноста на персоналот.
This is the 3rd Precinct of the MPD. The fire at the corner is growing. pic.twitter.com/yA0J0l0Ebz
— Seth Kaplan (@Seth_Kaplan) May 29, 2020
Четворица полицајци кои беа отпуштени поради смртта на црнецот Џорџ Флојд, наводно, работеле во полициската станица каде што протестите ескалираа порано оваа недела.
Полицијата употреби солзавец за да ги растера демонстрантите кои уништија сè што им е на патот.
Во Минеаполис беше прогласена вонредна состојба, а немирите се раширија во Чикаго, Лос Анџелес и Мемфис.
Breaking: Dozens of rioters have just entered the 3rd Police Precinct in Minneapolis, Minnesota. Rioters have started multiple fires in the building and sprinklers are going off. https://t.co/mIX1c51guz
— PM Breaking News (@PMBreakingNews) May 29, 2020
Џорџ Флојд почина откако полицискиот службеник за време на апсењето со колено му го притискал вратот осум минути, додека уапсениот молел да го пуштат да оди бидејќи не може да дише.
Тој почина набргу после тоа, па затоа илјадници граѓани излегоа на улиците на Минеаполис по инцидентот во понеделникот, барајќи правда.
Протестите траат веќе три ноќи.
