Ќерката на градоначалникот на Њујорк беше уапсена во саботата за време на протестот против полициската бруталност спрема Афроамериканците, јавува Си-ен-ен.
Кијара, ќерка на градоначалникот Бил де Бласи, е уапсена затоа што била меѓу демонстрантите на кои им е забрането собирање. Таа беше ослободена бргу.
Полициски час е воведен во Лос Анџелес, Чикаго, Детроит и Вашингтон, додека југозападната држава Аризона воведе полициски час за целата недела откако демонстрантите излегоа на улиците и се судрија со полицијата, која користеше солзавец и гумени куршуми.
Ограничувањето на движењето, кое ќе влијае на милиони луѓе, стапи на сила во исто време со распоредувањето на повеќе од 5.000 припадници на Националната гарда, кои беа активирани во 15 држави и главниот град за поддршка на локалните полициски сили.
