Американскиот претседател Доналд Трамп синоќа изјави дека Републиканската партија ќе ја презакаже претстојната партиска конвенција, откако не успеа да обезбеди гаранции од гувернерот на Северна Каролина, Рој Купер, поради ограничувањата со коронавирусот, јави ДПА.
Големиот настан во оваа држава беше планиран за крајот на август, каде требаше да се случи церемонијата на официјалиото номинирање на Трамп за кандидат на конзервативната партија за претседателските избори во ноември.
„Одамна планирав Републиканската национална конвенција да се оддржи во Шарлот, во Северна Каролина, местото што го сакам”, напиша Трамп на Твитер.
„Сега, @NC_гувернерот Рој Купер и неговите претставници одбиваат да гарантираат дека можеме да ја користиме „ Спектарот арената” “, напиша тој, додавајќи дека републиканците бараат нова држава домаќин.
ДПА додава дека гувернерот Купер, претходно, вчера, во писмото до републиканците, што го објави на Твитер, изјави дека планираната партиска конференција, со околу 19.000 делегати на стадион, ќе биде изводлива само доколку се обезбдат ограничувањата за да се запре ширењето на коронавирусот.
„Партиска конференција без мерки на претпазливост, како што се носење маски или помал број учесници, во моментов се чини многу малку веројатна”, напиша гувернерот Купер.
Во САД, секоја сојузна владата носи свои одлуки за примената на ограничувањата на коронавирусот и кога треба да се укинат.
Во моментов, сепак, малку е веројатно дека ќе може да се одржуваат големи настани со висока стапка на посетеност, при што учесниците ќе можат да одржуваат безбедна дистанца.
Германската агенција додава дека претседателот Трамп веќе одби да учествува на виртуелна партиска конвенција.
