Техничкиот министер за внатрешни работи Наќе Чулев на Фејсбук ги повика граѓаните да ги почитуваат мерките за заштита од коронавирусот, независно дали сметаат дека одлуката за полициски час за Задушница е оправдана или не.
-Православните христијани утре празнуваат Задушница, а в недела го празнуваат слегување на Светиот Дух на Апостолите или помеѓу граѓаните познат како Духовден. Оваа година овие два големи и значајни празници ги одбележуваме во поинакви околности соочени со голем, знаечаен и сериозен предизвик – да го заштитиме сопственото здравје од вирусот Ковид 19. Свесен сум дека актуелната одлука за ограничување на движењето на граѓаните не е идеална, но таа треба да се почитува. Големата бројка на лица кои се носители на вирусот е факт кој не смееме да го игнорираме и занемариме. Но, таа бројка не обврзува и сите нас кои сме носители на јавни, и политички функции, одлуките кои ги носиме да бидат засновани на аргументи, а не на дневна политика, посебно оние одлуки кои се поврзани со заштита на здравјето на граѓаните.
https://www.facebook.com/NakjeChulev/posts/164623908397745?__xts__%5B0%5D=68.ARAVGGJ9UHbgwy-wSzauQLhBnfTKBkEwvSpJWVxebGB1D_viY49O1gqqug2GxAnPpt-afECfPLhoM4hnp0KiicPrJqMgNQUAro7-uE8o6kHhZ7k38ic0CSZg7Sod2Dny2cwKEuEa9v9ZTeztvHz_vsDTHosfL9r8FvyDK1H_xEtEATdVFt7pAIXl2YqtNOqTck3EeVBHh8JRKyN3-T5LdL6l1_RWiQCz_ZH906qWC5PNjeXRdTiJo8JlvUvhZliou4YxvBvv1wfSdo3fiF1cNJPFGuCae0XU48Ah3XfGibJGBFcFoP7T9l061tw7LQ-VKsdqt8nzSD5wk19fsb4&__tn__=-R
Сите ние сме одговорни за своето, но и за колективното здравје. Апелирам до граѓаните да ги почитуваат мерките за ограничување на движењето. Дисциплинираноста и одговорноста се карактеристика на големите луѓе и јас сум сигурен дека пред нас е време кога ќе можеме многу посигурно и побезбедно да ги одбележуваме убавите моменти, но и да изразуваме почит на оние кои не се помеѓу нас.
