За време на пандемијата на коронавирусот речиси е преполовен бројот на мигранти и бегалци кои биле фатени во обид преку море да преминат од Турција во Европа, објави „Дејли Сабах”, повикувајќи се на податоци на турската крајбрежна стража.
Додека од март до мај минатата година во Егејско, Средоземно и Црно Море биле фатени вкупно 7.173 мигранти и бегалци кои се обиделе од Турција да влезат во Европа, во истиот период годинава во операции на крајбрежната стража се фатени 3.742 мигранти и бегалци.
Од 3.742 лица, 2.907 биле приведени во операции во март.
