Европска комисија денеска презентираше дополнителни препораки за отворање на граници следната недела. Границите на Европска Унија беа затворени кон средината на март како мерка против пандемијата со Ковид-19.
ЕК препорачува внатрешните граници на ЕУ да бидат отворени до 15 јуни и надворешните граници на Европа да останат затворени за патувања до крајот на месецот.
Според ЕК за сега не е можно целосно да се отворат надворешните граници поради различната епидемиолошка состојба во светот.
ЕК предлага да се утврди заедничка листа на „безбедни” земји, заснована врз јасни индикатори и податоци од Светската здравствена организација.
