Францускиот Државениот совет (Врховниот управен суд) синоќа донесе одлука, со која повторно се враќа правото за демонстрации, манифестации и собири.
Забрана беше во рамките на прогласената вонредна состојба поради новиот коронавирус односно сите собири со над 10 лица беа забранети. По жалбата од повеќе синдикати, Државниот совет ја врати слободата за собири и протести, но со почитување на мерката за физичка дистанца и собирите да не надминуваат 5.000 лица.
Поради недозволениот протест вчера на Плоштадот на Републиката во Париз беа уапсени 26 лица, а на околу 20.000 учесници на протестот не им беше дозволени да стигнат до Плоштадот на Операта.
