Aктивистка на движењето „Животите на црнците се важни“ пронајдена мртва

Деветнаесетгодишна активистка на движењето „Животите на црнците се важни“ од Флорида е пронајдена мртва, неколку дена по нејзиното исчезнување.

Полицијата во Талахаси ги пронајде телата на Олуватоин Салау (19) и Викторија Симс (75), и двата смртни случаи ги истражува како убиство, пишува „Си-ен-ен“.

Полицијата го уапсила осомничениот Арон Гле (49).

Салау последен пат била видена на 6 јуни, а порано истиот ден на „Твитер“ напишала дека била сексуално злоставувана. Нејзината пријателка потврдила дека налогот на „Твитер“ на кој пишувала е навистина нејзин.

– 19 Year Old, Black Lives Matter Activist Found Dead After Being Sexually Assaulted (Oluwatoyin Salau) @virgingrltoyin Say her beautiful name! #JusticeForToyin #ripqueen #blacklivesmatter

https://t.co/FK0cDqLZSg

— Best wingman in the world (@DJLOOSECANNON) June 15, 2020

Салау напишала дека оставила некои работи во црквата каде што претходно побарала засолниште и дека била нападната од човек кој и понудил превоз до црквата.

Сè уште не е јасно дали уапсениот Арон Гле е човекот кој наводно ја злоупотребил Салау.

Салау беше активистка на движењето „Животите на црнците се важни“ и зборуваше на протестите на Талахаси.