Со финансиска поддршка од Народна Република Кина денеска ќе бидат поделени околу 300 прехранбени пакети во општините Кичево, Битола и Ресен.
Станува збор за донација од Амбасадата на НР Кина наменета за лица од социјално загрозена категорија на граѓани од овие општини, погодени од пандемијата Ковид – 19, информираат од кабинетот на министерот без ресор задолжен за имплементација на Стратегијата за Роми, Музафер Бајрам.
Како што е наведено во соопштението, министерот Бајрам денеска остварил работна средба со амбасадорот на НР Кина, Џанг Ѕуо, на која било дискутирано за проблемите и предизвиците со кои се соочува ромската заедница, а воедно биле презентирани и идните активности во чии рамки можна е поддршка од оваа пријателска земја.
