Некогашниот српски репрезентативец Марко Вујин е нов играч на европскиот првак Вардар.
Искусниот десен бек доаѓа од екипата на Спортинг Лисабон. Вардар веќе го склопува играчкиот мозаик, и со доведувањето на Вујин се комплетира триото бекови. Вардар претходно ги потпиша и младиот Томислав Јагуриновски кој дојде од Металург и двометрашот Јосип Векиќ кој направи трансфер од Загреб.
Некогашниот ас на Дунафер, Веспрем и Кил се уште не ја вратил старата добра форма, но на Вардар сигурно добро ќе му дојде играч од таков калибар.
