На победничката на „Американски идол“ Кели Кларксон, актерот Зак Ефрон и британската sвезда Бенедикт Камбербач ќе им бидат посветени златни ѕвезди на Холивудската алеја на славните (Hollywood Walk of Fame) во 2021 година.
Шиа Лабуф, Миси Елиот и пејачот-текстописецот на „Американска пита“ Дон Меклин беа исто така меѓу 35-те ѕвезди на филм, телевизија и музика најавени во четвртокот (18 јуни) од страна на Стопанската комора на Холивуд, која управува со познатата алеја на ѕвездите, една од главните туристички атракции на Холивуд.
На покојниот италијански оперски пејач Лучијано Павароти и драматургот добитник на Пулицерова награда, Август Вилсон, ќе им бидат доделени sвезди постхумно.
