Осум деца се удавиле во една река во југозападна Кина, кога едно дете паднало во вода, а другите скокнале за да го спасат, објавија кинеските државни медиуми.
Несреќата се случила во градот Чонгкинг на југозападниот дел на Кина, а како што се наведува, децата посетувале основно училиште.
Државните медиуми јавуваат дека децата вчера отишле да си играат на брегот на реката и дека нивните тела биле пронајдени утрово. Засега не се објавени други податоци. Силен дожд бил најавен дека ќе врне во Чонгкинг, но сè уште не се знае дали временските услови одиграле некаква улога во несреќата.
