Ситуацијата во поделената Црна Гора повторно се вжештува. Архиепископот цетински и митрополит црногорко-приморски Амфилохие е повикан во зградата на Центарот за безбедност во Подгорица на информативен разговор.
Тој се одѕва на поканата од полицијата која ја добил по синоќешната литијата одржана во Подгорица. Во придружба на митрополитот во полициската зграда пристигнале и двајца адвокати, од кои еден е член на експертскиот тим на Митрополијата црногорско-приморска за преговори со Владата околу Законот за слобода на вероисповеста, кој ги подели граѓаните во оваа земја.
