Руски суд го осуди Пјотр Верзилов, активист и член на протестната група „Пуси рајот“, на 15 дена затвор за пцуење на јавно место.
Верзилов, кој вчера бил на сослушување во полиција 12 часа, вели дека бил нападнат непосредно по неговото ослободување од притвор, а тој напад го опиша како полициска провокација. Тој рекол дека полицијата го уапсила иако нема докази дека тој навистина пцуел.
Верзилов бил уапсен вчера наутро од припадници на руското полициско одделение за борба против екстремизмот во неговиот стан.
Неговата веб-страница, Медијазон, објави дека е сослушан вчера, по повод минатогодишниот протест, на кој полицијата уапси околу 1.300 лица.
Верзилов го привлече вниманието на јавноста во 2018 година, кога тој и уште тројца членови на групата „Пуси рајот“ влегоа на теренот за време на финалето на Светскиот куп во фудбал во Москва, во знак на протест за бруталноста на полицијата.
Одлежа 15 дена во затвор за овој потег. Два месеци подоцна, тој стана сериозно болен, а членовите на „Пуси рајот“ се сомневаа дека е отруен. Тој се лекуваше во Германија.
