На почетокот на есента општина Карпош најавува дека ќе започнат градежните активности за обнова на плочникот во Порта Влае. Како што информираат од општината Карпош во завршна фаза е подготовката на основниот проект за партерно уредување – реконструкција на пешачка зона на станбено-деловниот комплекс Порта Влае.
Плочникот се простира на површина од околу 13.500 квадратни метри, а реконструцијата ќе се одвива во неколку фази.
Покрај замената на горниот дел, ќе се направи и целосна обнова на хидроизолацијата, со цел да се спречи протекување на вода во подрумските или гаражните делови.
