Француската организација „Мер Пропре“ предупреди дека се поголем број заштитни маски и нараквици се фрлаат во Средоземното Море поради зголемената употреба на оваа медицинска опрема во време на пандемијата на коронавирус.
Во соопштувањето се истакнува дека нивните нуркачи откриле голем број фрлена заштитна опрема за време на операцијата на чистење на морето во изминатите неколку месеци.
Организацијата објави фотографии од своето работење и пронајденото ѓубре со надеж дека ќе укажат на можната штета за природата.
Официјалниот претставник на организацијата, Лорен Ломбард, потсети дека француската администрација нарачала повеќе од две милијарди заштитни маски.
„Бидејќи знаеме дека се нарачани повеќе од две милијарди маски, наскоро во водите на Медитеранот ќе има повеќе од оваа опрема отколку медузи“, додаде Ломбард.
