Хрватскиот министер за здравство, Вили Берош, изјави дека едно истражување покажало дека коронавирусот мутирал и дека, ако е така, тоа го прави среќен.
Според него, истражувањето покажало дека над 92 проценти од сите случаи дијагностицирани со коронавирус, кои се помлади од 60 години, немаат симптоми, што, како што вели, би можело да биде индиректен доказ дека вирусот мутирал.
Берош рекол дека е многу среќен со тие информации.
Говорејќи за туристичката сезона и состојбата на хрватските граници, тој рекол дека состојбата се следи од час во час.
„Имаме податоци на дневна основа од кои земји влегуваат странци во Хрватска, а колку од нив се позитивни и тоа е единствениот начин на кој ќе носиме одлуки. Доколку се утврди дека премногу граѓани доаѓаат од одредени земји каде епидемиолошката состојба се влошува, сигурно ќе воведеме мерки”, рекол Берош.
