Во Институтот за белодробни заболувања во Козле во моментов има 12 возрасни пациенти и 4 деца заболени од ковид 19. Возраста на возрасните е од 41 до 84 години, а четирите деца од 1,5 до 6 години- вели за 24 инфо Ангелчо Андоновски директор на Детската болница Козле.
-Сите пациенти се стабилни, а само еден во моментв е со кислородна поддршка. Со пациентите работат тимови од Интерни клиники и Инфективна клиника заедно со педијатриските центри- вели Андоновски. Тој објаснува дека Болницата Козле не е тријажен центар за болни туку во соработка со лекарите од ГОБ 8 септември и Инфективна клиника пациентите се препраќаат кај нив.
-Во основа со правилна проценка и интензитет на клиничката слика овие пациенти се дисперзираат за понатамошна хоспитализација по соодветни инсттуции. Кога станува збор за деца секое дете со температура и суспектност за ковид 19 се упатува во Детската болница Козле каде што соодветно се тријажира односно секое суспектно дете останува за дијагностика во ковид одделот во Козле- вели Првиот човек на болницата. Според него доколку теститањето потврди ковид 19 детето останува тука, а во спротивно се упатува кон Детската клиника. Според директорот во моментов само еден пациент е со кислородна подршка.
(В.А.)
