По неколкумесечни мерки против ширењето на коронавирусот, Холандија се обидува да се врати во нормалното секојдневие.
Премиерот Марк Руте најави во Хаг олеснување на мерките два месеци порано од очекуваното.
„Безбедносното растојание од 1,5 метар останува правило“, рече Руте. Мора да се спречи втор бран на коронавирус, додаде тој.
Од 1 јули киносалите, театрите, црквите и рестораните можат повторно да добијат неограничен број посетители, но тие мора да обезбедат почитување на растојанието од 1,5 метар. Досега, најмногу 30 лица би можеле да бидат во ресторан и кино.
Речиси сите ограничувања на јавниот превоз ќе бидат укинати од 1 јули, но од патниците се бара да носат маска.
Ќе биде можно да се одржат саеми и фестивали на отворено, а сексуалните работници повторно ќе можат да ги нудат своите услуги.
Редовната учебна година ќе продолжи по летните одмори, а учениците ќе можат повторно да седат еден до друг.
Од 1 септември, навивачите ќе можат да гледаат фудбалски натпревари истовремено почитувајќи ја социјалната далечина и нема да им биде дозволено да пеат.
