Претседателот на Србија, Александар Вучиќ, изјави дека верува оти доколку сегашниот претседател на САД, Доналд Трамп, добие втор мандат, позицијата на Србија би била нешто полесна.
„Не верувам во големи промени во американската политика, но верувам во мали промени во американската политика, кои би биле од големо значење за Србија“, рече Вучиќ, пренесува Танјуг.
Тој додаде дека не може да зборува за деталите затоа што тоа ќе ја влоши позицијата на Србија и затоа што ќе ги стави американските партнери во незавидна позиција.
