Милијадерот Берни Еклстоун стана татко по четврти пат, неколку месеци пред неговиот 90-ти роденден. 89-годишниот бизнис-магнат и сопругата Фабијана Флоси (44) го дочекаа нивното прво дете заедно, објавија таблоидите додавајќи дека бебето е машко и дека таа се породила релативно брзо, за 25 минути.
Берни ја потврди веста за Blick, и рече: „Имаме син по име Ас. Јас сум многу горд“.
Името асоцира на првак или прво машко, коментираат таблоидите. Поранешниот шеф на Формула 1 има три ќерки – Дебора (65), Тамара (35), и Петра (31) од претходните врски, а доаѓањето на неговиот прв син доаѓа само неколку месеци пред неговиот 90-ти роденден на 28 октомври.
Берни и Фабијана, кои се венчаа во 2012 година, моментално се во изолација во нивниот дом во Сао Паоло, Бразил, поради пандемијата на коронавирус.
