Арбитражниот спортски суд (КАС) во Лозана во понеделник ќе ја објави одлуката за жалбата на Манчестер Сити против двегодишната забрана за учество во европски натпреварувања.
КАС објави дека ќе ја објави пресудата на тричлениот совет на судии во понеделник.
Во пресудата од рочиштето, што се одржа преку видео-врска од 8 до 10 јули, веројатно ќе има неколку детали за причините на судиите. За целосна писмена пресуда обично се потребни месеци за подготовка.
Европската фудбалска централа (УЕФА) го суспендираше Манчестер Сити во февруари, поради сериозно кршење на правилата за финансиски фер-плеј помеѓу 2012 и 2016 година, но и затоа што Сити не соработуваше со истражителите.
Исто така, клубот е казнет со 30 милиони евра.
