– Во Париз денеска ќе се одржи видео самит за односите меѓу Србија и Косово, под покровителство на Франција, Германија и Европската унија (ЕУ), со цел „повторно да се почне дијалогот” меѓу двете страни.
Како што неодамна објави Елисејската палата, самитот треба да и овозможи на ЕУ „да го олесни решавањето на нивните разлики”.
На самитот се очекува да присуствуваат францускиот претседател Емануел Макрон, германската канцеларка Ангела Меркел, српскиот претседател Александар Вучиќ, косовскиот премиер Авдулах Хоти, високиот претставник на ЕУ за надворешни работи Жосеп Борел и специјалниот претставник на ЕУ за дијалогот Белград-Приштина, Мирослав Лајчак.
Макрон во вторникот имаше одделни средби со Хоти, а вчера со Вучиќ.
