Актерката Кели Престон, сопруга на Џон Траволта, ја загуби битката со карциномот на дојка. Веста ја потврди Џон Траволта на својот профил на Инстаграм, а нивната ќерка Ела се збогува со својата мајка со емотивна објава.
„Секој кој имал среќа да те запознае или некогаш бил во твое присуство, ќе се согласи дека имаш сјај и светло што никогаш не престанува да блеска секаде околу тебе. Благодарам што беше со мене без оглед на сè. Ти благодарам за целата твоја љубов, ти благодарам на помошта и ти благодарам што го направи светот подобро место. Те сакам многу мамо“, напиша 20-годишната Ела.
Џон и Кели беа во брак од 1991 година, а покрај Ела, тие се родители на деветгодишниот Бенџамин и синот Џет, кој почина во 2009 година.
