Сцени како во холивудските криминалистички филмови се случиле на улиците на Берлин, каде полицаец пукал на автомобил чиј возач се обидел да избегне контрола.
Возачот кој се обидел да избега од полицијата е 32-годишен Србин, тврди „Билд“, додавајќи дека во возилото имал 35.000 евра во банкноти од 100 и 200 евра.
Парите, како што е наведено, биле одземени, а тој бил уапсен и одведен на распит.
Во потерата по Србинот полицијата испукала нелколку куршуми.
„Два проектила завршиле во моторот на автомобилот“, потврди полицискиот портпарол, додавајќи дека возачот не е повреден.
На социјалните мрежи се појави видео од целиот настан, на кое се гледа „Бе-ем-ве“ чиј возач наместо да застане за полициска контрола во Берлин, дава гас и се пробива низ препреките на патот.
Видеото погледнете го на следниов ЛИНК.
