Малезиските власти пронајдоа 110 контејнери со тешки метали со потекло од Романија кои требало да бидат шверцувани во Индонезија.
Контејнерите, сепак, биле оставени во пристаништето во државата Џохор, на југот на Малезија, минатиот месец.
Според малезискиот министер за животна средина и водостопанство, Туан Ибрахим Туан Ман, станува збор за 1.864 тони метали како што се цинк, хром, олово, кадмиум и жива. Тој вели дека ова е досега најголемото откривање на штетен отпад во историјата на Малезија.
[Video] 110 kontena sisa toksik EAF dari Romania ditinggalkan di PTP@titm_official @KASA_Malaysia @jasmalaysiahttps://t.co/PBbLglvUxm pic.twitter.com/3T91fWIfNz
— BERNAMA (@bernamadotcom) July 19, 2020
Туан Ибрахим рекол дека малезиските власти не дале одобрение за прием на отпадот, ниту добиле известувње од извозникот на отпадот за транзит низ Малезија.
Бидејќи Кина го забрани увозот на отпад пред две години, Малезија стана главна дестинација во светот за пластична отпад и сега преговара за враќање на стотиците нелегално испорачани контејнери отпад со земјите од потекло.
