Заложничката криза во градот Луцк, во западна Украина, е завршена по неколкучасовни преговори.
Министерот за внатрешни работи, Арсен Аваков, на Твитер објави слики од напаѓачот како лежи на земја. По неколкучасовни преговори полицијата влегла во автобусот.
Се наведува дека ниту еден од заложниците не е повреден.
Киднаперот веќе е осудуван за злосторства и има историја на ментални нарушувања, соопштија официјалните лица.
Тој бил осуден двапати и поминал 10 години во затвор. Причините за киднапирањето засега не се познати.
