Тренерот на новиот англиски фудбалски првак Ливерпул, Јирген Клоп зборуваше за емоциите кои ќе го придружуваат за време на утрешниот натпревар со Челси, по кој „црвените” ќе ја добијат титулата што ја чекаа цели 30 години. Германецот признава дека ова ќе биде еден од најголемите денови во неговиот живот.
– Се обидувам да се подготвам за она што ќе се случи утре. Тешко ќе биде затоа што пред нас имаме важен фудбалски натпревар. Тоа ќе биде еден од најголемите денови во мојот живот, затоа што конечно ќе можам да го кренам овој трофеј. Ќебидам многу горд на момчињата. Веќе околу еден месец сме шампиони. Како да се приближува Божиќ – знаете дека ќе добиете подарок, но сепак сте возбудени. Ќе биде специјално. Многу сум среќен што момчињата ќе го преживеат овој момент. Тие го заслужуваат тоа повеќе од било кој, рече Клоп.
Германецот ја коментираше и темата за трансферите. Досега Челси е еден од најактивните тимови на пазарот, а најзвучното засилување за „сините” е Тимо Вернер, кој беше поврзуван и со Ливерпул.
– Јас сум целосно среќен со поставата со која располагам. Бев задоволен и минатата година кога сите ме мемолеа да го доведам во составот. Не го купивме поради свои причини. Не е се работи за тоа што разликата меѓу нас и Челси е 30 бода. Можете да го видите тоа на терен – нашите момчиња даваат се од себе. Не сум сигурен дека тоа може да се купи, вели менаџерот.
