Времето денеска ќе биде сончево со мала локална облачност и со слаб до умерен претежно северен ветер кој по должина на Повардарието краткотрајно ќе засилува. Минималната температура ќе биде во интервал од 9 до 20, а максималната ќе достигне од 28 до 35 степени.
Во Скопје ќе биде сончево со мала локална облачност и слаб до умерен северен ветер. Минималната температура ќе се спушти до 15, а максималната ќе достигне до 32 степени.
Во следните денови времето ќе биде сончево со повремена мала до умерена облачност и со слаб до умерен ветер кој до четврток ќе биде северен, а потоа јужен. В петок и в сабота ќе има услови за појава на нестабилност во попладневните часови. Дневната температура до средината на неделата ќе биде во брз пораст, а потоа нема многу да се менува.
