„Фокус“: Коневски ќе купи деловен простор за половина милион евра ако земе кредит и најде закупец

Деловниот простор во новиот објект кај Мајчин дом во скопски Аеродром, што сака да го купи поранешниот градоначалник на оваа општина од редовите на ВМРО-ДПМНЕ Ивица Коневски, е во вредност од половина милион евра со вкалкулиран данок на додадена вреднот.

Како што пишува новиот број на неделникот Фокус, адвокатското друштво на Коневски и првиот човек на компанијата-инвеститор на објектот – „ЗСФ-КОМ“, Фатмир Етеми, во март минатата 2019 година склучиле преддоговор за деловен простор со површина од 324 квадратни метри.

Притоа, според податоците што ги обезбеди Фокус, договорот е склучен на сума од 1.200 евра за квадратен метар, што значи дека неговата вкупна вредност е 388.800 евра со тоа што ако се вкалкулира и ДДВ-то од 18 отсто се доаѓа до сума од скоро половина милион евра.

Во изјава за Фокус, Коневски вели дека деловниот објект се уште не е изграден и се уште не е во негова сопственост и владение. Тој посочува дека преддоговорот е склучен по пазарна цена, но дали тој ќе се реализира зависи од тоа, како што истакнува, дали ќе обезбеди кредит од банка и дали ќе најде закупец за кредитот да се сервисира.

-Така што, сѐ уште не можам да знам дали ќе успеам да ја реализирам таа инвестиција. Со сопственикот на компанијата до 2019 година не сум се познавал, ниту пак како градоначалник имам издадено одобрение за градба за тој објект. Во 2017 година беше донесен планот за градба и тогаш друг беше сопственик на парцелата, вели Коневски.

Целата вест прочитајте ја на ФОКУС

Треба да знаете
Последни објави