Рафаел Надал дефинитивно нема да игра на тенискиот гренд-слем турнир УС Опен, доколку се одржи во Њујорк.Останува само Новак Ѓоковиќ во игра за настап од „големите тројца”.
Шпанецот ја објави важната одлука на Твитер, откако веќе е познато дека Роџер Федерер нема да игра на УС Опен, па за прв пат од 2004 година, би се случило само еден претставник од трите најдобри тенисери во историјата да биде на еден Гренд-слем.
Во исто време, ова би можело да биде првиот Гренд-слем без Надал и Федерер од 1999 година. Рафа се откажал најмногу поради пандемијата на коронавирус.
– После многу размислување, решив да не учествувам на УС Опен. Здравствената состојба е сè уште многу лоша по многу случаи на „Ковид-19″ и пандемијата е надвор од контрола. Тенис не се игра веќе четири месеци и тоа е страшно. Нема да се игра во Мадрид. Ова е одлука што не ја донесов лесно, но го послушав срцето и решив дека не можам да патувам во овој момент, напиша Рафа на Твитер.
