Поранешниот играч од средниот ред на Манчестер сити, Давид Силва се пресели во Реал Сосиедад, иако имаше устен договор со Лацио, објави „Sky Sпort Italia”.
Според изворот, Шпанецот кој го напушти Сити како слободен агент, се договорил за тригодишен договор со Лацио, според кој требаше да заработува четири милиони евра годишно. Договорот исто така предвидуваше Шпанецот да користи личен возач и да патува со приватен авион.
Сепак, фудбалерот избра да се врати во својата татковина со потпишување договор со баскискиот клуб. Тој не го известил Лацио за ова. Изворот посочува дека раководството на римскиот клуб е бесно поради ова.
Договорот на Силва со Сосиедад е со важност до 2022 година и е помалку профитабилен финансиски од тој што требаше да го потпише со римскиот клуб.
