Полицијата привела лице кое на Фејсбук ѝ се заканувало на гувернерката Анита Ангеловска Бежоска, објави „А1он„.
Како што во текот на денот објавија во билтенот на МВР, на 17.08.2020 во 12 часот А.А.Б.(49) од Скопје пријавила дека на 16.08.2020, околу 18.50 часот, во електронското сандаче од нејзиниот профил на социјалната мрежа Фејсбук примила порака со заканувачка содржина од профил на лице кое не го познава лично и не е во нејзината група на пријатели.
Според „А1он“, во текот на денот Единицата за насилен криминал го пронашла заканувачот, кој се заканувал дека ќе ја убие гувернерката, а заканите биле поврзани со пропаѓањето на Еуростандард банка.
