Дел од штедачите денеска упатија апел до медиумите да го објават нивниот повик до оние 780 штедачи кои имаат влогови над 30.000 евра во банката за да се организираат и да се претстават пред сите домашни и меѓународни институции со еден претставник.
-За обештетување на своите средства ние ќе мора да се потпреме на правилноста и функционалноста на нашиот систем и стечајните постапки како такви. Впрочем, функционирањето на истиот тој систем нѐ доведе и до оваа состојба за свои тешко спечалени пари да одлучува некој друг. Со цел најтранспарентно водење на стечајната постапка сметаме дека ние 780 штедачи мора да се организираме и да бидеме претставени пред сите институции домашни и меѓународни од еден претставник професионалец во тоа поле, повикаа дел од штедачите.
Тие сметаат дека треба да се самоорганизираат и веднаш да преземат мерки, а засега контактот им е адресата 780stedaciesb@gmail.com.
