Јас сум од оние пратеници кои денеска ќе кажат пофални зборови за господинот Талат Џафери, бидејќи треба да бидеме реални дека во време кога се носеа тешки одлуки тој споведе целосна функционалност во парламентот, истакна пратеникот од редовите на СДСМ, Панчо Минов.
-Сакам да упатам една порака до пратениците со поголемо искуство, а тоа е дека на граѓаните веќе им е здосадено од критики и од избори, па убеден сум дека овој парламент ќе има четиригодишен мандат. Ние пратениците со искуство треба да придонесеме за една конструктивност во интерес на граѓаните. Тие не сакаат да ги слушаат нашите караници и нашите фамилијарни состојби. Ние треба да дојдеме до стадиум кога ќе владее една конструктивност и функционалност. Верувајте дека ни е потребно тоа. Луѓето го очекуваат тоа од нас. Господинот Џафери имаше голем придонес и слух во досегашното водење на парламентот и верувам дека ќе го има и во иднина, рече Минов.
