Крушево и Валандово се единствените градови во земјава во кои во моментов нема ниту еден заразен со коронавирус.
Според податоците на Министерството за здравство, само еден заразен има во Ресен, а двајца активно заразени лица се регистрирани во Кратово.
Останатите градови се со двоцифрени и троцифрени бројки на активни случаи.
Најмногу заразени во моментов има во Скопје(861), Кумановово(336) и Гостивар(315). Зад нив е Штип со 258 активно заразени лица, Тетово со 169, Струга 141 и Кичево со 106 активно заразени лица.
Вкупната бројка на ковид дијагностицирани во нашата земја од почетокот на епидемијата изнесува 13.595, бројката на оздравени пациенти е 10.110, на починати е 564, а во моментов бројот на активни случаи во земјата изнесува 2.921. Досега во Македонија се направени вкупно 137.465 тестирања на ковид -19.
Денеска беа регистрирани 137 нови случаи, оздравеле 58 пациенти, а почина едно лице.
