Најмалку четири лица се повредени во екслозија којашто одекнала во понеделникот утрото на патничкиот брод „Blue Star Horizon“ во пристаништето Ираклион на грчкиот остров Крит, пренесуваат локалните медиуми.
Според првичните сознанија, несреќата се случила во машинскиот одел на бродот, но засега причините за експлозијата не се познати. Прелиминатните процени се дека експлодирал парен котел.
Од четворицата повредени, едно лице е сериозно повредено, пренесува локалниот портал cretapost.gr., и додава дека е настраданите со две амбулантни возила се пренесени во универзитетската болница во Ираклион/ Хераклион.
Споменатиот патнички брод вообичаено сообраќа на линијата Ираклион – Пиреја. Во моментот на несреќата на него немало патници.
