Кејти Холмс мисли дека Сури, нејзината ќерка со поранешниот сопруг Том Круз, еден ден ќе владее со светот.
Поранешната sвезда на серијата Dawson’s Creek („Досоновиот поток“) е неверојатно горда на 14-годишната Сури, нејзиното единствено дете со поранешниот сопруг, и смета дека тинејџерката го има она што е потребно за да направи одлични работи кога ќе биде постара.
Во интервју за „ОК!“ магазинот, таа вели: „Секоја фаза во животот на мојата ќерка беше радосна. Таа има неверојатен дух. Многу е силна и паметна и мислам дека ќе го управува светот еден ден. Таа владее со мене. Таа е душичка, но истовремено и тврдо колаче. Јас сум многу горда.“
41-годишната актерка ја охрабрува Сури да ја разбере важноста да има сопствено мислење и да не се плаши да го крене гласот. „Дома зборуваме за тоа колку е важно да пораснеш и да бидеш слушнат, и колку е важно да имаш работа и да бидеш независна.“
И Кејти сака да направи што може за да ја промовира таа порака надвор од нејзиниот дом и во рамките на нејзината работа.
„Како уметник, мислам дека е важно да продолжиме да наоѓаме и создаваме добри улоги за жените на први или водечки позиции на работа“.
На прашањето дали сака повторно да режира, таа вели: „Се надевам да. Како жена, сакам да се слушне мојот глас. Тоа е голема мотивација за мене, па затоа сакам да продолжам да раскажувам приказни. Секогаш се обидувам да најдам интересни приказни – приказни кои одразуваат низ што минуваат реалните луѓе.“
